သောကြာဂြိုဟ်ကို လဖုံးမယ့် ဖြစ်စဉ်နဲ့ မတ်လအတွင်း ထူးခြားမယ့် အာကာသ ဖြစ်စဉ်များ အကြောင်း
ထူးခြားဖြစ်စဉ်များနှင့် မတ်လ ၂၀၂၃၊ လာမည့် ၂၀၂၃ ဖေဖော်ဝါရီ လကုန်ပိုင်းနဲ့ မတ်လတို့မှာတော့ ရာသီဥတုပြောင်းလဲခြင်း ဖြစ်စဉ်များနှင့်အတူ ညဘက် ကောင်းကင်ယံမှာလည်း ထူးခြားမည့် ဖြစ်စဉ်များက စောင့်ကြိုလို့နေပါတယ်။
အထူးသဖြင့် တနင်္လာဂြိုဟ်လို့ သတ်မှတ်ကြတဲ့ လဟာ ၎င်းရဲ့ လမ်းကြောင်းတလျှောက်မှာ အင်္ဂါဂြိုဟ် (မားစ်)၊ သောကြာဂြိုဟ် (ဗီးနပ်စ်) တို့အပြင် Delta Scorpii လို့ခေါ်တဲ့ အနုရာဓ ကြယ်နက္ခတ်တို့ကိုပါ လိုက်လံဖုံးအုပ်တော့မှာ ဖြစ်ပါတယ်။
အသေးစိတ် ဆိုရလျှင် ဖေဖော်ဝါရီလ ၂၈ ရက် နေ့မှာ လဟာ ပြိသရာသီအတွင်းမှ အင်္ဂါဂြိုဟ်ကို ဖုံးကွယ်မှာဖြစ်ပြီး မြန်မာနိုင်ငံမှာတော့ နေ့ဘက် (၁၁ နာရီခန့်) ဖြစ်နေတဲ့အတွက် မြင်တွေ့ရမည်တော့ မဟုတ်ပါ။ မတ်လ ၁၃ ရက်နေ့ မြန်မာစံတော်ချိန် ည ၇ နာရီခန့်မှာလည်း လဟာ ဗြိစ္ဆာရာသီထဲက နဂါးဦးခေါင်းကြယ်ဖြစ်တဲ့ အနုရာဓ ကြယ်နက္ခတ် (Delta Scorpii) ကို ဖုံးအုပ်မှာ ဖြစ်ပေမဲ့
လဆုတ်ရက်ဖြစ်နေတဲ့အတွက် အချိန်နောက်ကျပြီးမှ ထွက်မည့်လကြောင့် မြန်မာနိုင်ငံမှ မြင်ခွင့်ရဦးမည်မဟုတ်ပါ။ (လကို လဆန်းရက်များမှာ ညနေခင်းပိုင်း အနောက်ဘက်အရပ်မှာ မြင်တွေ့ရတတ်ပြီး လဆုတ်ရက်များမှာတော့ အရှေ့ဘက်အရပ်မှာ နံနက်ခင်းပိုင်း မြင်တွေ့ရတတ်ပါတယ်။)
ထူးခြားမည့် ဖြစ်ရပ်အနေနဲ့ မတ်လ ၂၄ ရက် ညနေ ၅ နာရီမှ ၇ နာရီခွဲ လောက်အထိ အနောက်ဘက်အရပ် မိုးကုတ်စက်ဝိုင်းအထက်က မိသရာသီထဲမှာ သောကြာဂြိုဟ် (ဗီးနပ်စ်) အား လမှ ဖုံးကွယ်ခြင်းဖြစ်စဉ်ကို မြန်မာနိုင်ငံအပါအဝင် အရှေ့တောင်အာရှ နိုင်ငံများနဲ့ အာရှတိုက် နဲ့ အာဖရိကတိုက် တောင်ပိုင်း ဒေသတို့မှာ မြင်တွေ့ရနိုင်ပါတယ် (မြေပုံ)။
ထို့အတူပဲ မတ်လ ၁ ရက် နှင့် ၂ ရက် ညဦးပိုင်းမှာ သောကြာဂြိုဟ် (ဗီးနပ်စ်) နဲ့ ကြာသပတေးဂြိုဟ် (ဂျူပီတာ) တို့ မိန်ရာသီအတွင်း ဂြိုဟ်စစ်ထိုးခြင်း (နီးကပ်စွာ ဖြတ်သန်းသွားခြင်း) ကိုလည်း မြင်တွေ့ကြရမှာပါ။
မတ်လ ၂၁ ရက် နံနက် ၃နာရီ ၅၀ မိနစ်မှာတော့ ၂၃.၅ ဒီဂရီ အစဉ် တိမ်းစောင်းနေတဲ့ ကမ္ဘာရဲ့ အီကွေတာမျဉ်းကြောင်းပေါ်သို့ နေရောင်ခြည်ဟာ တည့်မတ်စွာကျရောက်ခြင်းဖြင့် နေ့ နှင့် ည တို့ အချိန်တူညီစွာ ရှိမည့် ”နွေကူးနေ့ညညီချိန်” သို့ ရောက်ရှိလာမှာ ဖြစ်ပါတယ်။
နောက်ပိုင်းမှာ နေရောင်ခြည်ဟာ မြန်မာနိုင်ငံရှိတဲ့ အီကွေတာ မြောက်ဘက်ခြမ်းကို ဆက်လက် ကျရောက်မှာဖြစ်ပြီး ပူပြင်းခြောက်သွေ့တဲ့ နွေဦးရာသီကို ဖြတ်သန်းရတော့မှာ ပဲဖြစ်ပါတယ်။
ထိုကဲ့သို့ အပူချိန် တိုက်ရိုက် ကျရောက်မှုကြောင့် ဘင်္ဂလားပင်လယ်အော်နဲ့ ကပ္ပလီပင်လယ်တို့မှာ အပူပိုင်း လေဖိအားနည်းရပ်ဝန်းမှသည် ဆိုင်ကလုံးမုန်တိုင်းများအထိ ကျရောက်လာနိုင်သောကြောင့် အသိ၊ သတိတို့ဖြင့် ကြိုတင်ပြင်ဆင် ကြနိုင်ရန် ရေးသားလိုက်ပါသည်။ အနာဂတ်ပညာရေးအတွက် အစဉ်တစိုက် ကြိုးစားလျက် သန့်ဦး (အာကာသနှင့် စကြဝဠာ သင်ထောက်ကူ)
Credit to Blacker
Zawgyi
ေသာၾကာၿဂိဳဟ္ကို လဖုံးမယ့္ ျဖစ္စဥ္နဲ႔ မတ္လအတြင္း ထူးျခားမယ့္ အာကာသ ျဖစ္စဥ္မ်ား အေၾကာင္း
ထူးျခားျဖစ္စဥ္မ်ားႏွင့္ မတ္လ ၂၀၂၃၊ လာမည့္ ၂၀၂၃ ေဖေဖာ္ဝါရီ လကုန္ပိုင္းနဲ႔ မတ္လတို႔မွာေတာ့ ရာသီဥတုေျပာင္းလဲျခင္း ျဖစ္စဥ္မ်ားႏွင့္အတူ ညဘက္ ေကာင္းကင္ယံမွာလည္း ထူးျခားမည့္ ျဖစ္စဥ္မ်ားက ေစာင့္ႀကိဳလို႔ေနပါတယ္။
အထူးသျဖင့္ တနလၤာၿဂိဳဟ္လို႔ သတ္မွတ္ၾကတဲ့ လဟာ ၄င္းရဲ႕ လမ္းေၾကာင္းတေလွ်ာက္မွာ အဂၤါၿဂိဳဟ္ (မားစ္)၊ ေသာၾကာၿဂိဳဟ္ (ဗီးနပ္စ္) တို႔အျပင္ Delta Scorpii လို႔ေခၚတဲ့ အႏုရာဓ ၾကယ္နကၡတ္တို႔ကိုပါ လိုက္လံဖုံးအုပ္ေတာ့မွာ ျဖစ္ပါတယ္။
အေသးစိတ္ ဆိုရလွ်င္ ေဖေဖာ္ဝါရီလ ၂၈ ရက္ ေန႔မွာ လဟာ ၿပိသရာသီအတြင္းမွ အဂၤါၿဂိဳဟ္ကို ဖုံးကြယ္မွာျဖစ္ၿပီး ျမန္မာႏိုင္ငံမွာေတာ့ ေန႔ဘက္ (၁၁ နာရီခန္႔) ျဖစ္ေနတဲ့အတြက္ ျမင္ေတြ႕ရမည္ေတာ့ မဟုတ္ပါ။ မတ္လ ၁၃ ရက္ေန႔ ျမန္မာစံေတာ္ခ်ိန္ ည ၇ နာရီခန္႔မွာလည္း လဟာ ၿဗိစာၦရာသီထဲက နဂါးဦးေခါင္းၾကယ္ျဖစ္တဲ့ အႏုရာဓ ၾကယ္နကၡတ္ (Delta Scorpii) ကို ဖုံးအုပ္မွာ ျဖစ္ေပမဲ့
လဆုတ္ရက္ျဖစ္ေနတဲ့အတြက္ အခ်ိန္ေနာက္က်ၿပီးမွ ထြက္မည့္လေၾကာင့္ ျမန္မာႏိုင္ငံမွ ျမင္ခြင့္ရဦးမည္မဟုတ္ပါ။ (လကို လဆန္းရက္မ်ားမွာ ညေနခင္းပိုင္း အေနာက္ဘက္အရပ္မွာ ျမင္ေတြ႕ရတတ္ၿပီး လဆုတ္ရက္မ်ားမွာေတာ့ အေရွ႕ဘက္အရပ္မွာ နံနက္ခင္းပိုင္း ျမင္ေတြ႕ရတတ္ပါတယ္။)
ထူးျခားမည့္ ျဖစ္ရပ္အေနနဲ႔ မတ္လ ၂၄ ရက္ ညေန ၅ နာရီမွ ၇ နာရီခြဲ ေလာက္အထိ အေနာက္ဘက္အရပ္ မိုးကုတ္စက္ဝိုင္းအထက္က မိသရာသီထဲမွာ ေသာၾကာၿဂိဳဟ္ (ဗီးနပ္စ္) အား လမွ ဖုံးကြယ္ျခင္းျဖစ္စဥ္ကို ျမန္မာႏိုင္ငံအပါအဝင္ အေရွ႕ေတာင္အာရွ ႏိုင္ငံမ်ားနဲ႔ အာရွတိုက္ နဲ႔ အာဖရိကတိုက္ ေတာင္ပိုင္း ေဒသတို႔မွာ ျမင္ေတြ႕ရႏိုင္ပါတယ္ (ေျမပုံ)။
ထို႔အတူပဲ မတ္လ ၁ ရက္ ႏွင့္ ၂ ရက္ ညဦးပိုင္းမွာ ေသာၾကာၿဂိဳဟ္ (ဗီးနပ္စ္) နဲ႔ ၾကာသပေတးၿဂိဳဟ္ (ဂ်ဴပီတာ) တို႔ မိန္ရာသီအတြင္း ၿဂိဳဟ္စစ္ထိုးျခင္း (နီးကပ္စြာ ျဖတ္သန္းသြားျခင္း) ကိုလည္း ျမင္ေတြ႕ၾကရမွာပါ။
မတ္လ ၂၁ ရက္ နံနက္ ၃နာရီ ၅၀ မိနစ္မွာေတာ့ ၂၃.၅ ဒီဂရီ အစဥ္ တိမ္းေစာင္းေနတဲ့ ကမာၻရဲ႕ အီေကြတာမ်ဥ္းေၾကာင္းေပၚသို႔ ေနေရာင္ျခည္ဟာ တည့္မတ္စြာက်ေရာက္ျခင္းျဖင့္ ေန႔ ႏွင့္ ည တို႔ အခ်ိန္တူညီစြာ ရွိမည့္ ”ေႏြကူးေန႔ညညီခ်ိန္” သို႔ ေရာက္ရွိလာမွာ ျဖစ္ပါတယ္။
ေနာက္ပိုင္းမွာ ေနေရာင္ျခည္ဟာ ျမန္မာႏိုင္ငံရွိတဲ့ အီေကြတာ ေျမာက္ဘက္ျခမ္းကို ဆက္လက္ က်ေရာက္မွာျဖစ္ၿပီး ပူျပင္းေျခာက္ေသြ႕တဲ့ ေႏြဦးရာသီကို ျဖတ္သန္းရေတာ့မွာ ပဲျဖစ္ပါတယ္။
ထိုကဲ့သို႔ အပူခ်ိန္ တိုက္႐ိုက္ က်ေရာက္မႈေၾကာင့္ ဘဂၤလားပင္လယ္ေအာ္နဲ႔ ကပၸလီပင္လယ္တို႔မွာ အပူပိုင္း ေလဖိအားနည္းရပ္ဝန္းမွသည္ ဆိုင္ကလုံးမုန္တိုင္းမ်ားအထိ က်ေရာက္လာႏိုင္ေသာေၾကာင့္ အသိ၊ သတိတို႔ျဖင့္ ႀကိဳတင္ျပင္ဆင္ ၾကႏိုင္ရန္ ေရးသားလိုက္ပါသည္။ အနာဂတ္ပညာေရးအတြက္ အစဥ္တစိုက္ ႀကိဳးစားလ်က္ သန္႔ဦး (အာကာသႏွင့္ စၾကဝဠာ သင္ေထာက္ကူ)
Credit to Blacker